Private ground atangin Jodo Yatra tan dawn

Congress te chuan Rahul Gandhi kaihhruai Bharat Jodo Nyay Yatra chu January 14-ah Manipur-a State capital Imphal ni lovin Thoubal district-a private ground atangin neih tan a ni ang, an ti.
Congress’s Manipur president Keisham Meghachandra chuan Imphal-a Hapta Kangjeibung ground atanga yatra neih tan phalna chu an dil thu leh sorkar chuan thudehkilh siam chunga hman a remtih chauh thu sawiin hei vang hian a dawn ruaiah a hmun an thlak phah tiin a sawi a.
“January 2 khan Hapta Kangjeibung public ground Imphal ami chu Bharat Jodo Nyay Yatra bultan nana hman kan dil tawh a. Yatra chu Imphal atanga tanin Mumbai-ah a tawp ang kan ti lawk tawh bawk,” tiin a sawi a.
“He mi chungchangah hian January 10 khan Chief Minister N. Biren Singh pawh kan hmu a, mahse, phalna min pek dawn loh thu min hrilh a ni. A zanah erawh thupek chhuah niin Hapta Kangjeibung ground chu a awm thei zat tur bituk siamin hman min remtihsak thu an chhuah,” tiin a sawi bawk a.
Meghachandra chuan State Congress team te chuan Chief Secretary VIneet Joshi chu DGP Rajiv Singh leh deputy commissioner (DC) leh SP of Imphal East te pawh awm laiin an hmu a ti bawk a.
“Yatra tanna hmun turah mi 1,000 bak kal an remtih loh thu min rhilh a. Phalna min pek bawk si loh avangin Ninga zan khan Thoubal DC chuan Yatra chu Khongjom area a private ram atanga kalpui tan phalna min pe a ni” tiin a sawi bawk.
Congress president Mallikarjun Kharge chuan yatra hi a vai liam dawn a ni a ti bawk a. January 14 ah Manipur atanga tanin March 20 ah Mumbai ah a tawp ang a. 6,713 km a tuam ang a, district 100 leh state 15 a paltlang dawn a ni.