Catholic thalaite tana mal zai intihsiakna ‘Proclaim’ chu Inrinni zan khan grand finale neiin an zo ta a, Dilkhan tlangval, Francis Lalthatpuia chu winner niin, Flora Saizikpuii, Electric veng, St. Mary’s Parish Bial atanga tel chu Pahnihna niin, St. Lawrence Parish atanga tel, Regina Laltlansangi, Ramthar chu Pathumna a ni ve tung.
Inrinni zan final round-ah hian Tip 5 Finalist te an inlan a, Catholic Rawngbawlna Hla Bu ami hla pakhat leh anmahni hla duh zawng pakhat theuh sain an intihsiak a, Pakhatna Francis Lalthatpuia hian ‘Hringnun kan zin kawngah hian’ tih leh C. Lalzarmawia hlaphuah ‘An Hrilhfiah’ tih hlate sain, Pakhatna a nih pui ta a ni.
Grand finale-ah hian Proclaim intihsiak endiktu pathum- Chali, Israel Lalbiakrema leh Amanga Francis Sailo te pawh stage-ah an perform a, Chali hian an band Evenflow nen ‘Krista Chhanchhuah te’ tih hla sain, Israel-a hian ‘Siamtu Kutchhuak’ tih hla a sa a, Amanga hi a band Project Praise nen inlanin, ama hlaphuah an sa ve thung.
St. Mary’s Branch Catholic |halai Pawlin Golden Jubilee puala an buatsaih, Proclaim mal zai intihsiakah hian pakhatnain lawmman sumfai bakah trophu leh sponsor-te atangin thilpek chi hrang hrang a dawng a ni. Final show hi Zonet Empai-ah en theihin a awm a, an zai lai hi Zonet YouTube channel-ah dah a ni bawk ang.
PROCLAIM winner Francis Lalthatpuia
Get real time updates directly on you device, subscribe now.
Prev Post
Next Post