Season liamta maia Real Mallorca tana LaLiga game 36 khela goal ruk thun tling South Korea international Lee Kang-in chuan Paris St-Germain a zawm.
Midfielder kum 22 mi hian kum hnih chhung Spanish club thuam a inbel hnuah French champion nen kum nga chhung daih tur inremna a ziak.
Lee hi tun nipui insuan hun laia PSG player lei thar palina niin, Asian player an lakluh hma hian midfielder Manuel Ugarte, central defender Milan Skriniar leh striker Marco Asensio-te an lo senglut tawh a ni.
South Korea tana match 19 khel tling tawh Lee hian 2022 World Cup pawh kha khelin, Paris St-Germain a zawm thei mak a tih zawk hial thu a sawichhuak a, a club thar chu khaw-vela club lian berte zinga pakhat a nih thu leh player ropui ber ber awmna club behchhana tawnhriat thar hma-chhawn thuai thuai hlan a nghahhlelh thu a tarlang tel.
PSG hian a lu lam atanga squad thuamthat hna an kalpui chho mek a, an head coach petchhuah tak Christophe Galtier hmunruak luah turin Spain leh Barcelona coach hlui Luis Enrique pawh kha an manager thar ni turin an senglut fel tawh a ni.
PSG mi thar South Korea midfielder Lee Kang-in
Get real time updates directly on you device, subscribe now.
Prev Post
Next Post