Pubjab leh Himachal journalist rualin Aizawl Press Club tlawh

Pubjab leh Himachal journalist
rualin Aizawl Press Club tlawh
Press Information Bureau (PIB) Jalandhar Punjab bultumin Punjab leh Himachal Pradesh-a chanchinbumite chuan Mizoramah press tour an nei mek a, Thawhlehni khan Aizawl Press Club an tlawh.
Punjab leh Himachal Pradesh-a chanchinbumi paruk hi PIB Jalandhar-a Media and Communication officer Dr Vikram Singh chuan a rawn hruai a. March 22 khan Aizawl rawn thlengin Mizorama hmun hrang hrang an tlawh tawh bakah an la tlawh kual zel dawn a; March 28-ah an haw ang.
Aizawl Press Club an tlawhnaah hian MJA president C Lalrambuatsaiha hoin office bearer leh member thenkhatin an lo dawngsawng a; darkar khat chuang an inkawm a ni.
Thawhlehni vek khan IPR directorate an tlawh a, director K Vanlalsangi leh officer dangte nen an inkawm.