Loneituten an thlai leh thei tharchhuah an vawnthat a, an sawngbawl theihna tur Puilo RURBAN Commercial Centre chu Nilaini khan Rural Development minister Lalruatkima’n a hawng.
Thingtlang khua in hma an sawnna turin scheme hrang hrang kaltlangin Rural Development department-in hna a thawk a, India ramah SPMRM cluster 300 awmin, Mizoramin cluster pali – Aibawk RD Block, Khawzawl RD Block, Thingsultliah RD Block leh East Lungdar RD Block a nei tih minister hian a sawi a. Thingtlanga chengten eizawnna ngelnghet leh tlo an neih theihna tura kawng kawhhmuh hi he Mission hian a tum ber a nih angin, heti lam hawi zawng hna tam tak kan thawk a, a hlawhtlinna kan hmu chho zel hi a lawmawm takzet a ni, a ti. Puilo Commercial Centre sakna tur hmun petu Puilo khawtlang hruaitute chungah lawmthu a sawi a ni.
Cheng nuai 292.98 senga sak Puilo RURBAN Commercial Centre hi sawrkar laipui Ministry of Rural Development-in Shyama Prasad Mukherji Rurban Mission (SPMRM) kaltlanga sum a rawn pek hmanga sak a ni a. A satu hi Lyrics Construction Pvt. Ltd. Tuikhuahtlang Aizawl an ni. 2022 January 10-a sak tan niin, hemi kum December 28 khan sak zawh a ni. Khawl chi hrang hrang hi kumin January 10 khan bun tan a ni a, June 10-ah bun zawh a ni. Tuivawl Ral CLF ten an enkawl dawn a ni.
Puilo-ah Commercial Centre hawng
Get real time updates directly on you device, subscribe now.
Prev Post
Next Post