Pull-up leh hula hoop tikawpin record siam

Pull-up leh hula hoop tikawpin record siam
Hula-hooping ringawt pawh a tithang lo tan chuan a har ve riau a, thil bial lian deuh tak an kawng bawrah dahin, taksa tichein thil bial chu an tivir thin. Chutianga hula-hooping chung chuan pull-up a ti a, record a siam. Pull-up chungchang hi chu kan tarlang fo tawh a, a tihdan chu kan hre sa vek tawh tho ang chu maw! Hula-hooping leh pull-up tihkawp chu a hahthlak ve ngat ngat khawp ang!
Mahse, personal trainer Reger Maffei (USA) chuan hula-hooping chungin, chawl lovin pull-up vawi 23 a ti thei a, Guinness World Record a siam. Hetiang record dinglai pawh ama siam tho niin, 2019 khan hula-hooping chunga pull-up vawi 16 tiin record a lo siam tawh a, he record hi a rawn khum leh ta a ni.
Reger hian record dang pawh a siam tel a, abdominal plank position a awm chunga hula-hooping-in minute 7 leh second 41.28 a awm thei a, hula-hooping chung a abdominal plank position-a awm rei thei ber a ni bawk.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More