Punjab-ah Congress MLA hlui man a ni

Punjab sorkar-a thuneitute sawi danin Punjab-a MLA lo ni tawh \hin Kulbir Singh Zira chu a chenna in Ferozpur District-ah October 17, 2023 (Thawhlehni) khan man a ni a, sorkar official-te hnathawk tur dodal zawnga khawsaa puh a ni. Zing dar 4:30 vela man niin Judicial Magistrate hmaah hruai a ni a, ni 14 chhung judicial custody-a hren tur a ni a, Rupnagar Jail-ah thawn nghal niin October ni 31 thleng hren tur a ni.
Thu dawnnain a sawi danin Zira hi Block Development Programme Officer (BDPO), Surjit Singh hnathawh ti khaihlaka puh niin Surjit Singh hian thuneitute hnenah a report niin sawi a ni a. Zira erawh chuan BDPO Surjit Singh hian hmasawnna atana hnathawh rualkhai lo leh BDPO Office-a eirukna tam lutuk avangin office chhungah lungawilohna a lantir mai thu a sawi ve thung a ni.