Putin-a’n minister atanga a ban hnu lawkah inkap hlum

Putin-a’n minister atanga a ban hnu lawkah inkap hlum
Russia-a Investigative Committee chuan Russian transport minister hlui, Roman Starovoit-a chu thia chhar a ni tih a sawi a, amah a inkap hlum nia ngaih a nih thu an sawi.
Thawhtanni khan President Vladimir Putin-a’n minister atang hian a bân a ni.
Starovoit-a bân a nih chhan hi hriat a ni lo va, Deputy Transport Minister Andrei Nikitin chu a aiawh tura ruat a ni tih a hnu lawkah puan zui a ni.
Investigative Committee chuan thihna thleng hi a tul angte an chhui zui mek tih an sawi.
Starovoit-a hi transport minister atan hian May, 2024 khan riat a ni a. Minister a nih hmain kum ruk dawn Kursk region governor a lo ni tawh bawk.
Kurst hi Ukrainian sipaiten August, 2024 khan bei thutin hmun eng emaw zat an la a. Moscow hian tun hnaiah um let thei deuh chauhvin June thla tawp khan Kyiv chuan Russia ram chhung tlem chauh an chang leh tawh niin an sawi.
Starovoit-a’n a thlak, Aleksey Smirnov-a kha rei lo te chauh transport minister a ni a. April thla khan man niin a hnuah Ukraine nena an inrina hungna tihchangtlunna tur sum ei rua puh zui a ni.
Russian chanchinbu, Kommersant chuan Starovoit-a pawh hi he thubuaiah hian a thlak tak lamtang tur niin an tar lang.
Starovoit-a thih hun tak hi hriat a ni lo va, State Duma Defense Committee hotupa, Andrei Kartapolov chuan Russian chanchinbu, RTVI hnenah ‘hun rei lo te kal taah khan’ tiin a sawi.
Thawhtannia Starovoit-a thih thu puan a nih hma lawk khan Kremlin thupuangtu, Dmitry Peskov-a chu chanchinbumiten bân a nih chhan sawi tur leh Putin-a’n Kursk-a thil thlengah a ringtawk tawh lo em ni tih an zawt nasa hle.
“Rintawk lohna a awm a nih chuan sawi chhuah ani ang. Hetiang tawngkam hi Kremlin thutlukna siamah hman a ni lo,” tiin Peskov-a hian a chhang.