PWD hotute kawng sawipui

Champhai South bialtu MLA, minister TJ Lalnuntluanga chuan Champhai leh a chhehvel kawngpui dinhmun, hnathawh kal mek leh kawng thawmthat ngai zualte chu Thawhtanni khan PWD hotute a sawipui.
Minister chuan kawng thawmthat hna thawh piahlamah kawngpui a tlo zawk theih nan PWD chu khawtlang hruaitute nen inrawn tlangin ngaihtuahna seng a, ruahmanna thar siam turin a ngen. Champhai South bial huamchhunga kawng siamthat nan SASCI 2023- 2024 sum, vaibelchhe 2.85 dah a nih tawh thu PWD hotute hian an sawi a. He project hnuaia hna 21 awm chu uluk taka zirchian niin, hna tlo leh tha tak hun tiam chhunga zo hman ngei tura tan la zel turin minister hian a chah.
Minister hian Champhai khawchhunga hmasawnna hnathawh dangte a tlawh bawk.