Congress leader Rahul Gandhi chuan Narendra Modi sorkar chu dynastic politics kalpui tia sawiselin national Democratic Alliance (NDA) sorkar a Cabinet Minister te chu political family chhuak an tam mai a ti.
“Generation hmasa ten theihtawp chhuaha an beihna te, an inpumpekna te nepotism tia sawitute chuan thuneihna sarkari parivar [government family] ah an sem leh mek a. Hei tak hi Narendra Modi thusawi leh a chetdan inanloh zelna chu a ni” tiin Gandhi chuan a sawi.
Gandhi chuan Council of Ministers chu ‘parivar mandal’ tia sawiin chuta minister political family nen inzawmna nei te chu a tarchhuak bawk a ni.
Gandhi thusawi hi Prime Minister in Lok Sabha campaign laia Congress te chu dynastic poitics kalpui tia a puhna a chhanletna anga ngaih a ni.
Tun NDA sorkar a minister te dynastic nena inzawmna nei te chu : Janata Dal(S) leader H.D. Kumaraswamy chu Prime Minister hlui H.D. Deve Gowda fapa, BJP leader Jyotiraditya Scindia pawh Union Minister hlui Madhav Rao Scindia fapa; Piyush Goyal pawh Union Minister hlui Ved Prakash Goyal fapa, Kiren Rijiju hi Speaker of Arunachal Pradesh ni thin Rinchin Kharu fapa; Ravneet Singh Bittu pawh Punjab Chief Minister Beant Singh tupa, Jitin Prasada pawh MP hlui Jitendra Prasada fapa, Rao Inderjit Singh hi Haryana Chief Minister hlui Rao Birendra Singh fapa, BJP chief J.P. Nadda pawh hi MP hlui leh Madhya Pradesh Minister thin Jayshree Banerjee makpa.
Raksha Khadse hi Maharashtra minister hlui Eknath Khadse monu, RJP MP Jayant Chaudhary hi Prime Minister hlui Chaudhary Charan Singh tupa, JDU MP Ram Nath Thakur hi Bihar Chief Minister hlui Karpoori Thakur fapa, TDP MP K. Rammohan Naidu pawh hi Union Minister hlui Yerren naidu fapa tho, Anupriya Patel pawh Apna Dal founder Sonelal Patel fanu, Kirtivardhan Singh hi UP CM hlui Maharaj Anand Singh fapa, LJP (RV) leader Chirag Paswan pawh Union Minister hlui Ram Vilas Paswan fapa a ni bawk.
Rahul-an dynastic politics sawi
Get real time updates directly on you device, subscribe now.
Prev Post
Next Post