Shiv Sena (UBT) chief Uddhav Thackeray chuan RSS chief Mohan Bhagwat an Manipur dinhmun a sawi hnuah Prime Minister Narendra Modi-an Manipur a tlawh dawn em tiin zawhna a siam.
Maharashtra chief minister hlui chuan Article 370 special status Jammu and Kashmir pekna nuaibo a nih hnuah eng nge danglamna dik tak thleng hriat a duh thu a sawi bawk a.
“Nunna chan zel a ni a, Jammu and Kashmir-a terror ata tu nge mawhphur?” tiin zawhna a siam bawk a.
Rashtriya Swayamsevak Sangh (RSS) chief Mohan Bhagwat chuan Thawhtanni khan kum khat hnuah pawh Manipur-a buaina la awm reng mai chu pawi a tih thu sawiin Manipur remna leh muanna chu ngaihpawimawh hmasak tur a ti a.
“RSS chief Mihan Bhagwat thusawi hnuah Prime Minister Modi hian Manipur a tlawh dawn em?” tiin Thackeray chuan zawhna a siam a. “NDA sorkar hmalam hun nilovin he ram hma lam hun zawk hi ka ngaihpawimawh chu a ni,” tiin a sawi.
Maharashtra inthlang mai turah Maha Vikas Aghadi a tel Shiv Sena (UBT), Congress leh NCP (SP) te telnaah seat insemah engmah buaina an nei lo tiin a sawi bawk.
Thackeray-an PM Modi zawhna zawt
Get real time updates directly on you device, subscribe now.
Prev Post
Next Post