Rahul Gandhi-an Hathras tlawh

Lok Sabha Leader of Opposition Rahul Gandhi chuan July 5 khan mi 100 chuang nunna chan phahna Hathras a inpawngnekna hmun tlawhin sorkar thiam loh a awm tia sawiin mahse ‘politics thila lak’ a duh lo a ti bawk.
Rahul Gandhi chuan Uttar Pradesh Chief Minister Yogi Adityanath chu tikhawtlai hauh lova thi chhung te hnena zangnadawmna sang thei ang ber pe turin a ti bawk.
Rahul Gandhi chuan nunna chan chhungte tlawhin a kawm bawk a. “Chhungkua tam takin an tuar a, mi tam takin nunna an chan hi a lungchhiatthlak a ni.”
“Politics thila lak ka duh lo va, mahse administration lam thiamloh pawh a awm a ni. Tihsual a awm a, chung te chu hriatfiah ngai a ni” tiin senior Congress leader chuan a sawi bawk.
Self-styled godnman Baba Bhole an Hathras a satsang a huaihawta inpawngnekna chhuakah mi 121 in nunna chanin nunna chan zinga a tam ber te hi hmeichhia te an ni.
Gandhi chuan nunna chan chhungte tan hun hrehawm tak a nih thu sawiin zangnadawmna a rang thei ang bera pek ngiatin UP Chief Minister chu a rang thei ang bera zangnadawmna pe turin a tur bawk a.
“Mirethei tak tak an ni a, zangnadawmna an mamawh a ni. Thlaruk hnuah i pek emaw kumkhat hnua i pek emaw i tihkhawtlai chuan tumahin an tangkaipui lovang. Zangnadawmna arang thei ang bera pek a tul” tiin a sawi.
‘Senior Congress leader chuan nunna chan chhungte nen titihona an neih thu a sawi bawk a. “Sorkar lam thiamloh a awm thu min hrilh a ni. Police te inrawlhna tur a awm a, mahse engmah tih an nei lo. An thlabar a, an tuar em em a, an dinhmun hriatthiampui an ngai a ni” a ti bawk a.
Hathras a kal hma hian Gandhi chu Aligarh-ah chawlin he district atanga nunna chan chhung te tlawhna a nei bawk a ni.
Rahul Gandhi hi U.P. Congress chief Ajay Rai, State Congress in charge Avinash Pande, party spokesperson Supriya Shrinate te chuan Aligarh leh Hathras a tlawhnaah hian an tawiawm a.
Hathras a cheng Hari Mohan inpawngneknaa a ni chantu chuan, “Rahul Gandhi an min tawrhpui thu min hrilh a. Zangnadawmna a sang thei ang ber kan dawn theih nan theihtawp a chhuah tur thu min hrilh a ni” tiin a sawi.
“Min biaa kan harsatna te hrefiah turin theihtawp a chhuah a. Parliament-ah pawh he mi chungchang hi nidanga a thlen tawh loh nan sawichhuah a tum thu min hrilh bawk” tiin kum 22 a upa Aligarh a cheng inpawngchilnaa a pi hlohtu Mritunjay Bharti chuan a sawi bawk.
Rahul Gandhi an Hathras a tlawh avang hian security khauh taka kalpui a ni a, khawpui hmun pawimawh tinah te police personnel thahnem tak dah niin venhimna uluk a ni hle.
Uttar Pradesh sorkar chuan Nilaini khan member pathum awmna Hathras trajegy chui chiang tur judicial commission a din bawk a, conspiracy a awm em tihte pawh an chhui tel vek dawn tiin sorkar thuchhuak chuan a sawi.