Textbook peihfel lohah sorkar sel

Congress te chuan July 5 khan Centre chu Class 6 textbook a hun taka peihfel thei lova puhin an sawisel na hle a, Education Ministry chu naupang te zirna tibuaitu zawk tiin an sawi.
Congress general secretary Jairam Ramesh chuan he mi chungchangah hian sorkar chu nataka beiin zirlaibu peihfel theihlohna chhan chu buaina thuk tak a ni nge laktlaklohna chu nitin a pung zawk tiin a sawi.
“Hmantlakloh National Testing Authority hmanga examination process tihkhawloh a nih hnuah, non-biological PM’s Education Ministry chuan naupangte zirna a tibuai leh tawh” tiin X ah a post a ni.
“School tan a ni tawh chungin NCERT – the National (read Nagpur) Council of Educational Research and Training chuan Class 6 zirlai te Science, Mathematics leh Social Sciences textbook a la peihfel thei lo” tiin Ramesh chuan a sawi bawk.
Class 6 textbook te chu National Syllabus and Teaching Learning Material Committee (NSTC) chuan an la peihfel lo hrim hrim tia sawi bawkin peihfel hnuah pawh a chhut nan ni 10 atanga 15 tal a ngai dawn a ti bawk.
Officials te chuan thla hnih hnuah zirlai te hnenah textbook thar chu an pek theih an inbeisei thu an sawi tia sawi bawkin Ramesh chuan, “buaina thuk tak a ni nge laktlaklohna chu nitin a pung zawk” tiin a sawi bawk.
June 4 khan Education Minister Dharmendra Pradhan chuan school textbook chungchang hi New Curriculum Framework (NCF) duhdana kalpui a ni em tih review a neihpui a. Class 6 textbook te hi April atanga zirtawh tura tih kha niin tun thlengin peihfel ala ni lo a ni.
National Council for Educational Research and Training (NCERT) chuan a hma in 2024-25 academic session atangin Class 3 leh 6 ten textbook thar an hmang ang tiin an lo puang tawh a, beisei angin thil a kal ta lo a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More