Rahul Gandhi Ladakh tlawhah Union Minister-te lawm

Congress leader Rahul Gandhi-an social media-a Ladakh tlawhna motorcycle a khalh a post hnuah Union Minister Kiren Rijiju chuan Prime Minister Narendra Modi kaihhruaina hnuaia Himalayan region a kawngpui tha tak sial a nih a tihlar avangin lawmthu a hrilh zui.
Rijiju chuan X-ah video post-in chutah chuan kum 2012-a sports utility vehicle-in Ladakh-a Pnogno Tso pana kawngpui lunga khata harsa taka a tlan lai tihlan a ni a.
Earth Sciences Minister chuan Rahul Gandhi an Pangong Tso pana kawngpui tha taka motorcycle nena a tlan lai picture chu a post tel bawk a ni. Rahul hian Pathianni khan a pa leh prime minister hlui ni bawk Rajiv Gandhi piancham puala pyaer meeting neihna a hmanpui a ni.
“Narendra Modi sorkarin Ladakh a kawngpui tha taka sial a tihlar avangin Rahul Gandhi hnenah lawmthu ka sawi a ni,” tiin Rijiju chuan X-ah a post zui a.
A hma pawhin Rijiju chuan Kashmir Valley-ah chuan Tourism a lar zual thu sawiin tunah chuan Srinagar-a Lal Chowk-ah ‘National Flag’ te remna leh muanna hnuaiah zar a ni ta tiin a post bawk.
Parliamentary Affairs Minister Pralhad Joshi pawhin X-ah vek, “Post-Article 370 development Leh leh Ladakh a hmuna hmuchiangin Shri Rahul Gandhi chuan valley-ah zinna a nei a. A road trip hmu theia kan awm hi kan lawm a ni,” a ti bawk.
Rahul Gandhi chuan Ladakh tour nei mekin August 2019 a Jammu and Kashmir atanga Ladakh rin hran a nih hnua a tlawh hmasak ber a ni a. Tunkar hian Gandhi hian Kargil pawh a tlawh dawn nia sawi a ni.
Jammu and Kashmir State ni thin chu Union territory pahnihah thenhran niin Article 370 hnuaia special status a neihna pawh hlih a ni a. He mi chungchang erawh Supreme Court-ah khinna ngaihtuahin a awm mek a ni.
Rahul Gandhi hian kar kalta Ningani khan Leh ni hnih chama tlawh turin a thleng a, mahse a cham hun chhung tur pawtseiin Pangong Lake, Nubra Valley leh Kargil district te tlawh a tum ta zawk a ni.