Raisi thih hnua Iran khawvelin ngaihven

Iran Supreme leader ni mai tura ngaih a nih laiin President Ebrahim Raisi chu Pathianni khan a chuanna helicopter tlak avangin a thi a.
Kum 85 a upa ni tawh Supreme leader Ayatollah Ali Khamenei taksa chak lo zel tawhah Raisi chu a thlaktu ni thei ber tura ngaih a ni a.
Iran hardline president thihna hian Iranian policy emaw Islamic Republic ah buaina leh harsatna emaw a thlen rin a ni lo chungin mahse conservative hardliners tena thuneihna branch hrang hrang elected leh unelected te thlenga an hauh vek system chu a fiah ngei dawna ngaih a ni.
“Raisi thihna chuan system a nghawng lo thei dawn lo va, constitutional proceedue kalpui zel nan leh Khamenei laka rinawm leh conservative bur bawk si chu zawn a ni dawn a ni” tiin Dr Sanam Vakli, director of the Middle East and North Africa programme, Chatham House think tank chuan a sawi.
Raisi opponent te chuan prosecutor a nihlaia kum 1980 chohva political prisoner sang chuang te thihnaa inhnam tia an puh reng a nih avangin a thihna chu an lawmah a tla mah zawk dawna ngaih a ni thung a.
Iran ruling conservative te tan chuan Raisi vuina chu conservative taka an kalzel tur zia lantirnaah an hmang thung dawn a, khawvelin a thlir reng tih an hai hauh dawn lo.
“Kum 40 chung zel zet chu Western narrative ang chuan Iran chu tluchhiaa kehdarh turin an ngai a ni” tiin Professor Mohammed Marani of Tehran University chuan a sawi a. “Mahse, maktak maiin a him zel a, tluang takin a la kalzui zel ang tih ka sawi lawk ang” tiin a sawi.
Iran a dinhmun pawimawh em em pakhat chu Assembly of Expert member te niin middle-ranking cleric an ni hlawm a, anni hi supreme leader thar thlangtu te an ni.
“Raisi kha supreme leader ni tura ngaih a ni a, Khamenei ang bawkin naupang taka ni mai thei tur a ni a, a la thalai a, a rinawm bawk a, system a rinawm bur a ni bawk si a ni” tiin Dr Vakil chuan a sawi a. Tunah chuan Raisi ber a awm tawh lohvah chuan Supreme Leader fapa Mojtaba Khamenei te pawh an hming lamrik a ni tawh thung.
Raisi thihna official a puanchian a nih hma pawhin Ayatollah chuan X a post a siamaih “Iranian mipui te chuan engmah hlauhthawn tur an nei lo, ram kalphungah engmah harsatna leh buaina a awm lovang” a ti lawk a ni.
Thuneihna chu VIce-President Mohammad Mokhber hnenah pek a ni tawh a, ni 50 chhungin president tur thlanna neih ngei ngei a ngai bawk a.
March thla khan Iran in parliamentary election a neihah vote tla a chhe em em thung a, kum 2021 a inthlanna neiha Raisi thlantlin a nih pawh khan thuneitute chuan moderate leh pro-reform candidate tur te chu an din an phal sak lo tawh a.
Presidential election hmataka neih nise chuan Khamenei leh Iranian thuneitute chu voters te political process a hnuhluh theihna remchang a siamsak tur a ni a. Mahse, chutiang zawnga hmalakna chu a awm lo, tiin Mohammad Ali Shabani, editor of London-based news website Amwaj.media chuan a sawi.
“Conservative group chhungah pawh group hrang hrang an awm a, hardline zual leh pragmatic zawka ngaih te pawh an awm” tiin Hamidreza Azizi, SWP visiting fellow, Berlin-based think tank chuan a sawi bawk a.
Mahse a tawpah tak tak chuan thuneihna tawp siamtu chu Supreme Leader tho a ni a. Foreign policy te chu Islamic Revolution Guard Corps (IRGC) te kuta awm a ni thung a, IRGC te hi an thuneihna a sang tial tial bawk.
Thla kaltaa Iran in Israel missile hmanga a beih pawh khan Supreme Leader thutlukna siam a ni lo va, IRGC te zawkin an tih a ni a. Khavang khan buaina nasa zawk a chhuah hlauhna a lian hman hle a ni.
Supreme Leader chuan sorkar kalphung leh kal dan te chu a enfiah reng thung a. Iran chu hrekna avangin leh management fuh lo leh eirukna avangin harsatna nasa tak tawk mek a ni bawk.
Khamenei hmuh lai ngeiin September 2022 khan Iran a dress dan tur khauh lutuk bawhchhiaa puh Mahsa Amini chu police custody a a thihna avangin la thleng ngai lo lungawilohna nasa tak a awm a.
Mipui tena lungawilohna an lantir hma karkhatah Raisi chuan Iran ‘hijab and chastity law’ hmanga hmeichhia te chu headscarf awrh ngei tur tih chu khauh zawka lekkawh turin thupek a chhuah a.
Mahse, chu chu Iranian hmeichhia la naupang zawk te chuan huaisar takin an dodal ngam a, an thinrimna chu Supreme Leader leh system ah an leihbua a ni. Kha buaina avang khan Human rights group te chuan mi za telin nunna chanin sang chuang fe lung in ah khungin an awm tiin an sawi.
Iran ram chhungah thalai zawk te chuan system duhlohna an lantir chu thuneituten hmehmih tumin tharum nena nasa taka hma an la chungin a la nug reng tia sawi a ni bawk a.
Chuvang tak chuan Raisi thihna chuan tu nge thuneitu lawk ten President atan an chhawpchhuah ang tih chu khawvelin a thlir thup mek a ni a. Iranian thuneitute chuan conservative bur bawk ruat an tum dawn a, chutihlaiin Khamenei thlak tur pawh tun atanga an hisap a ngai dawn bawk.