Rajya Sabha-ah NDA-in seat 2/3 nei thei hnai

Ningania ram chhung hmun hrang hranga Rajya Sabha MP thar tur thlan a niha result a chhuah hnuah rorel lai, BJP kaihhruai NDA chuan rorelna in sang zawkah seat hmun thuma thena hmun hnih an chang thei hnai niin a lang.
Tun tumah hian state 10-a Rajya Sabha seat 27-a thu tur thlan a ni a. Heng zingah hian Madhya Pradesh-a seat khat chu Congress candidate Meenakshi Natarajan-i nomination hnawl a nih hnuah BJP chandidate chu chuhtu awm lova puan a ni.
Seat 27 zingah hian NDA-in 19 leh eptu tangrual, INDIA-in panga an chang a. Member 245 awmna Rajya Sabha-ah hian NDA chuan seat 152 an nei ta a, INDIA-in 63 an nei thung a. MP panga leh pasarih neitu, BJD leh YSRCP thlawpna nen NDA hian hmun thuma thena hmun hnih, 164 an tlin thei tawh dawn.
Ningani inthlanah khan Jharkhand-ah INDIA tana thil pawi thlengin NDA thlawp independent candidate Parimal Nathwani chuan Congress candidate Pranav Jha chu seat khatah a hnawh nawlh a, an MLA zingah lehlam vote an awm ni ngeiin a lang.
Jharkhand Mukti Morcha (JMM) candidate Baidyanath Ram chu JMM-Congress tang dun sorkara MLA pali velin mi dang vote mah se seat khatah a tling.
MP ni lai, Nathwani hi YSR Congress Party a ni a; mahse, NDA thlawpa independent-a chuh a ni a. MLA 81 awmna assembly-ah hian Rajya Sabha seat hnih awmin candidate tan tling turin 28 hmuh a ngai a. JMM-in 34, Congress-in 16, Rashtriya Janata Dal-in pali leh Communist Party of India (Marxist Leninist) Liberation-in pahnih an nei.
NDA hian MLA 24 an nei a. Inthlanah hian Ram-a’n vote 30 hmua a tlin laiin Jha-a chuan 26 chuah a hmu a, a tling zo ta lo va, an tanpui MLA zingah mi pali velin lehlam an vote niin a lang a. INDIA-a tel party-te chu lehlam vote-tu zawkah an inpuh tawn mek.