Raltlante chhawmdawlna hlan

Mizo Students’ Union Gen. Hqrs USA atanga Project – Mizoram second container (medical equipment & supplies, manna pack) USA atanga chahluh chu Mizorama raltlan awmna hmun hrang hranga thawn turin Chin National Organisation (CNO) hnenah hlan a ni a, Thawhlehni khan MSU general secretary hlui Lalremruata Chhangte chuan Vanapa Hall kawt atangin a vailiam.
Project–Mizoram hi Mizoramin Covid-19 avanga harsatna a tawh laia chhawmdawlna atana chahluh a ni a. Project–Mizoram 2023 second container-ah hian damdawi lam bungrua chi hrang hrang bakah manna pack (food package) a awm. A thawh khatna hi kum 2022 khan Community Health Center (CHC) leh Primary Health Center (PHC) hrang hrangah sem a lo ni tawh a ni.
A thawh hnihna hi ‘Humanitarian Aids’ tia vuahin Burma, Bangladesh, Manipur-a chengte an ram buaina avanga Mizoram rawn belten an mamawh ang zelin camp hrang hrangah a tul anga sem darh tura ruahman a ni.