Raltlante tan NEEPCO-in pe

North Eastern Electric Power Corporation Ltd (NEEPCO), Tuirial Hydro Electric Project Kolasib chuan corporate social responsibility (CSR) kaltlangin Manipur atanga sahimna zawnga Kolasib district-a tlanlut (internally displaced person) te tanpuina atan cheng nuai khat an hlan.
Thilpek dawngtu Kolasib district bawrhsap John LT Sanga chuan NEEPCO chu an district mipui tan an luanchhuah fo tawh thu leh bawrhsap kaltlanga district hmasawnna leh mipui mamawh phuhrukna tur thil tih an neih fo thu sawiin, tun tuma district thuneitute ngenna ngaipawimawha Manipur atanga sahimna zawnga tlanlutte tana an luang chhuak chu lawmawm a tih thu a sawi.
Kolasib district hi Mizoram district zingah Manipur atanga sahimna zawnga lut tamna ber district niin, tunah hian relief camp 13-ah IDP chhungkaw 207 (mi 983) an awm a. Relief camp pawnlamah mahni chhungte bel leh in luaha khawsa chhungkaw 775 (mi 2677) nen, an vaiin chhungkaw 982 (mi 3660) an awm a ni.