United State lama an thawhpuite nena an buaipui, hriselna lam kaihhnawiha hman tur hmanraw hrang hrang chu Mizo Students’ Union chuan Thawhtanni khan Health minister Lalrinpuii hnenah a tul a tih dan apianga sem turin an hlan.
MSU Gen. Hqrs thuchhuah siam danin, Project Mizoram hi Mizorama Burma unau raltlan awmte leh Mizo mipui puala medical equipment a thlawna sem chhuah a nih theihna turin kum 2022 atang khan kalpui a ni a. MSU leh khawvela medical equipment sem chhuaktu lian ber Project CURE United States of America bakah Myanmar Refugee Relief Committee – Mizoram, R2P Myanmar Way, Arizona Falam Christian Church, Chin Baptist Association North America tangho project siam chu a taka kalpui mek zel a ni.
Project Mizoram bungrua hi first leh second container-a then niin, first container hi kum 2022 khan Mizorama Community Health Centre (CHC) leh Primary Health Centre (PHC) hrang hrangah sem a lo ni tawh a. Project Mizoram 2023 second container-ah hian damdawi lam bungrua chi hrang hrang bakah ‘manna pack’ (food package) a awm a; ‘humanitarian aid’ tia vuahin Burma, Bangladesh, Manipur-a chengte an ram buaina avanga Mizoram belten an mamawh ang zelin camp hrang hrangah a tul anga sem darh a lo ni tawh a ni.
Health minister chuan bungruate chu tangkai taka hman a nih tur thu a sawi a. MSU-in heng bungrua chi hrang hrang a chahlut leh mamawhte tana semchhuah tura a buaipui chu lawmawm a tih thu a sawi a ni.
Raltlante tana pek hmanrua hlan
Get real time updates directly on you device, subscribe now.
Prev Post
Next Post