H.Lalchhuanliana
-- Advertisement --
Mizote hi kan pi leh pute hun aTanga Thenawm khawveng intlawhpawh, inTanpui tawn leh a huhova hna thawk Thin kan ni a. Khaw khata mi harsa zual an awm pawhin khawtlang Tang rualin an inkhai chhuak Thin a, tumah chhuan chhama awm an remti ngai lo. Tlawmngaihna ni se khawvel zau zawk thlenga hriat kan hlawh vena awm chhun leh Mizo hnam aia tlawmngai awm chuanga ring lo hnam kan ni hial awm e. |anpui ngaite tlanchhiatsan ngai lo, hnam rinawm, tlawmngai, dam leh tlang khatah, thih leh ruam khatah ti Thin hnam kan ni a. Khaw khat hotu an taimak leh taima khua ni mai Thin, hruaitu Tha leh rintlak chu zui dual mai Thin, hnam lungrual tak kan ni Thin a ni. Hei hi Kristian kan nih hma aTanga kan Mizo zia a lo ni daih tawh a, a lo kristian zia hle mai.
Khawvel Thang zelah hian kawng hrang hrangin hma kan sawn ve zel tawha, a lawmawm e.Mahse kan mizo nun ze mawi erawh a bo Then ta mek a, mahni hmasialna lamah kan tlan nasa tain kan inlungrualna pawh a nghawng tih hi hai rual a ni ta lo.Mizo khawtlang nun hi a zalen em em mai a, he kan zalenna hi kan zo ze mawi, lungrualnate chawi nung zel chungin leh kan sakhuana nena inmil zawngin kalpui ila, hnam awhawm tak kan ni thei ang. Chutiang tur chuan Mizote hi kan Tanrual a ngai a, rorelna chan duh luat vanga Pol.party mite Tangrual hlei thei lote pawh hi ram hmasawn nan tal chuan lo Tangrual hram se, chu chu mizo kristian zia tur pawh a ni ang.Kan Mizo nun ze mawite khi khawvel changkanna nena kal kawp thei vek a ni a, a hnawl zawnga changkan san tur a ni lo ang.Kan zo nun ze mawi leh kan sakhaw zirtirna hi thil hrang a ni hran lo a, hei vang hian Kohhran leh tlawmngai pawlte hian a vawn nun kawngah nasa zawkin hma han la zel se, ram hruaitute fuihtu ah pawh lo Tang bawk se a sawt hlein a rinawm.
POLITICIAN RINTLAK:- Ram inrelbawlna kawnga pawimawh hmasa ber chu kan Politiciante hi an ni ang. Kan mizo nun ze mawi kan sawi takte vawng nung reng chunga ram hruaitu rintlak, mi dik leh zui ngam kan mamawh . Chutiang ang mite bak chu ram hmangaihtu dik tak(nationalist) an awm chuang lo vang.Pawl hmingah emaw, a sawia sawi tlawr thiam ngawtah emaw hian ram leh hnam hmangaihna(nationalism) hi a innghat lo va, a tak taka mipui tana thawh leh a Tul chuan engkim chan huamnaah a innghat tur a ni ang. Kan pi leh pute khan an mawl ang ang khan ram an lo hmangaih tak zet niin a lang a, an khaw mipuite tan chuan dam leh tlang khatah, thih leh ruam khatah an lo ti Thin a nih kha.Khang ho ngei kha ram hmangaihtu(nationslist) an niin kan entawn turte an ni ang. Ruling leh oppositionte hi ram tana Tha turah hian Tang tlang Thin se, midang sawisel aTanga din chhuah tumna politics hi bansan tawh se a duhawm hle a ni. Politician Thenkhat, mipui nuihzat lek lek tawh hi party tinah hian an awm thluah niin a lang. Party-a intithu thu leh Thangthar mi fel leh thiam zawkte diptu an ni lehnghal a, in thiar fihlim atan an Tha khawp mai.Engkim tan hun ruat a awm tih ang khan an That lai ber hun a liam ve tawh a, an thil lo tih That tam takte kha zahawm hle mahse mithiam zawkte kian ve tawh hlawm teh se. Ram hmangaih tak takna nei si lo, ram aia mahni pumpui hmangaih zawk, sum bawia tang laklawh ni a mipuiin an ngaih Thup politician hi an awm a, kohhrana rawngbawltu lah bang chuang lo.Ram hmasawnna kawngah hian kan politiciante hi inel se, dik ber leh thawk rim ber nih tumin hma han la ngat se kan hmasawn lohna chhan tur a awm lo a ni. Mipui tam zawk sukthlek han thlir hi chuan, hruaitu rintlak leh zui ngam, sum ngainatna laka fihlim hi nei ngat ila kan zui dual maiin a rinawm e.
Kohhran pawh hian ram rorelna dik leh vantlang Thatna tur lam hi a ngaihven nasa tial tial a, a lawmawm takzet a ni.
Hmasawnna kawng kan zawh mek lai hian kawng engkimah kan fimkhur erawh a Tul hle mai. Hmasawn kan duh luat vanga kan sakhaw zirtirna kalh zawnga hma lakte, ring lo miten pawisak nei lek lo va an ham bawrh bawrh ang te hi tih loh tur a ni ang. Hemi kawngah hian ram roreltute an pawimawh ber ang a, dan rorelna ngai pawimawh chunga ram an kaihhruai a ngai a ni. Hlawkna leh mahni nawmsakna ringawt um vanga mimal nun bakah, ram leh hnam tihmingchhe zawnga khawsa Thinte hi a hnam anga kan do tlan a hun hle tawh a ni. Hmasawnna kan tehna tur pawthawhrimna aTanga hmasawnna, ram danin a phal chhung aTang ngeiin ei bar kan zawng tur a ni ang a, kut tling lo leh kan sakhuana kalh zawng hmasawnna hi chu kan do tlat tur a ni ang. Chutiang tur chuan Mizoram tan Mizo zawng zawngte kan Tan rual a pawimawh hle a ni.