Mizoram hruaitu hmasaten hmasawnna tura an hnathawh hmuhsak duh loa, thil tha tih nei lo anga inzirtirna awm chu a pawi hle tih MNF Thalai vice president Zodinpuia chuan a sawi.
Aizawl South III bial huamchhunga MNF Thalai Block leh Unit intawhkhawm neihah MNF Thalai vice president chuan Mizoram chu India ram state naupang berte zing ami ni mah se, kawng tam takah state dangte entawn kan ni tawh tih sawiin, “Kan hruaitu hmasaten ram hmasawnna tura an hnathawhte hmuhsak duh loa ZPM-in mipui an zirtir thin hi a pawi hle a, hei hi Mizoram People Forum pawhin ngaimawhin zirtirna diklo, tiin a auchhuahpui hial tawh a ni,” a ti.
Mizoram political party hrang hrang zingah MNF aia hruaitu nei tha an awm lo niin a sawi a. Congress, ZPM leh BJP hotulute chu hun rei tak MNF-a lo awm tawh, nihna leh chanvo thlakhlelh vanga political party hrang hranga awmkual tawh an ni tih a sawi.
MLA inthlanpui neih turah MNF el pha ber tur chu ruhrel lian leh nghet tak nei sa Congress party tho a ni dawn a, ZPM tan Mizoramah sawrkar siamna kawng a la awm lo tih Zodinpuia hian a sawi. Aizawl khawpui chhunga ZPM-in MLA 5 an neihte pawh laksak turin MNF chuan hma a la mek tih a sawi a ni.
Ram hruaitute thil tha tih neilo anga inzirtir hi a pawi – MNF Thalai V/P
Get real time updates directly on you device, subscribe now.
Prev Post
Next Post