Ram leh hnam aiin Pathian ram dah hmasak zawk tur – Lalthansanga

Ram leh hnam aiin Pathian
ram dah hmasak zawk tur
– Lalthansanga
Ram leh hnam aiin Pathian ram dah hmasa zawk tur a ni a, ram siamthat tuma hmangaihtu tu pawh ZPM party-ah an lo lawm tih minister Lalthansanga chuan a sawi
Hachhek bial chhunga khaw hrang hrang a tlawhnaah ZPM hruaitu Lalthansanga chuan, ram leh hnam aiin Pathian ram dah hmasak zawk tur a ni a, ram rorelnaah Pathian ram din an tum avangin Pathian an au nasa tih a sawi. “Chumi ram dinna atana thawk tur chu a chhung amite hi kan ni a, a chhungah hian mi zawng zawng kan leng a, kan ram siamthat tuma hmangaihtu tupawh kan lo lawm a ni,” a ti.
Hausakna leh khawvel ropuina aiin kan Pathian chu hmachhuan tur a ni, tiin, “Chumi ring chuan tun village council leh local council inthlan pawh hi kan hmachhawn dawn a. Tunah hian rorelna dik kan tungding tan niin kan hria a, mipui pawhin min thlawp tha hlein kan hria,” a ti.
Minister hi party hruaitute nen inkawmin village council inthlan atana tul leh pawimawh an sawiho a. Khaw hrang hrangah ZPM VC candidate a puang nghal a ni.