Mizoram sum dinhmun chhe zel tur chu duh chuan a siamthat theih a, tuna chief minister pawh hian a duh chuan a siamtha thei tih PC president Vanlalruata chuan a sawi.
Ningani khan PC party hruaitute hian Mizoram state budget an thlir ho a. Mizoram sawrkarin chhiah leh thil dang hrang hrang atanga sum hmuh a tumna an zir. “A duh phawt chuan kan CM, Finance changtu ni bawk Pu Zoramthanga hian kan ram sum dinhmun chhe zel hi a siamtha thei a, a duh leh duh lohah a innghat a ni,” Vanlalruata hian a ti.
Mipui phur ti rit lo leh mipuiin kan chawi pangngai reng chawi chungin a lakkhawm kawngah sawrkarin tan la se, ram sum indaih lohna zualpui sutkian theih turah an ngai tih PC party hian sawiin, ‘Sawrkar hian mipui atanga a lakkhawm sum, mipuiin kan pek ngei si, sawrkara lut silo nia langte hi harsa lo takin sawrkarah a sengkhawm thei a, hemi kawnga hmalak dan hi PC party chuan kan hriat avangin kan ram sum dinhmun chhe siamthat hi kan huphurh loa, an ti duh a nih chuan tuna sawrkar pawh hian a siamtha thei ngeiah kan ngai,’ an ti.
Mipuiin chhiah leh thil chi hrang hranga kan chawi, sawrkara lut silo te chu mipuiin kan ngaihven a, kan zirchian a, sawrkar lakah pawh thikthu kan tihchhiat a tul an tih thu an sawi bawk.
Ram sum dinhmun a siamthat theih – PC president
Get real time updates directly on you device, subscribe now.
Prev Post