Ramri buai chinfelah Arunachali te lawm lo

Meghalaya zuia Assam nena ramri buaina chinfel nana inremna April 20-a an ziah hnuah Arunachal Pradesh-a ramri hnaia chengte chu an lungawi lo hle.
Assam Chief Minister Himanta Biswa Sarma leh Arunachal Pradesh Chief Minister Pema Khandu te chuan Memorandum of Understanding chu Home Minister Amit Shah hriatpuina leh awm laiin kum 50 lai chinfel loha awm khua 123 khawih inter-State border 804 km awha mi chu an chingfel a.
Hei hi duh lovin Tirap, Changlang and Longding People’s Forum (TCLPF) te chuan ‘Arunachal-a Tangsa mite Assam-a chengte ngaih pawimawh lohna leh Changlang district khawih buaina’ tiin court-a khin an tum thung.
Tirap, Changlang leh Longding te hi Arunachal Pradesh district chhak bera awm an ni a.
TCLPF tena an duhlohna ber chu Changlang leh Assam-a Tinsukia district chungchangah a ni a. Boundary deal siamah local commission neih hmain kum 2007 hma lam khan Changlang-Tinsukia-ah khua a awm lo a ti a. HPTC (High-Powered Tripartite Committee) boundary chu State pahnih ten Changlang-Tinsukia area-ah an zawm ang tih a ni.
Hemi kaihhnawih leh chhehvelah hian state pahnih ramri hnaih ve veah khua 13 awmin chung mite chuan April 24 khan meeting neiin boundary inremna chu an duh loh thu an sawi nghal a ni.
“Survey of India chuan November 27, 2010 khan New Delhi a hearing hnuhnung neihnaah report an thehlut a. He report hian a pawimawh tur ground survey a nei lo va, ground survey kimchang tel lo chuan villages/areas te awmna dik tak hriat theih a ni lo,” tiin forum te chuan an sawi.
Hei bakah hian forum te chuan Supreme Court-in kum 2006-a commission a ruatte chuan Arunachal Pradesh hmun thenkhat chu an tlawh ngei a, mahse Changland district-ah survey an nei lo an ti bawk a. “Hei vang tak hian kum 2007 khan Changlang-Tinsukia ah khua a awm lo an ti a ni,” tiin an sawi bawk.
“Local commission chuan Arunachal Pradesh ram te chu 1951 notification hmangin district-wise transfer a kalpuiah boundary siam remtiin 330 sq km vel lai Changlang district a mi ch Tindukia district ah a beh tir a ni, he mi tan hian Changlang mipui te rawnna neih a ni lo” tiin forum te chuan an sawi bawk.