Mizoram huamchhung kum kalta lama Assam Police leh Mizoram Police inkahna bula in hmun neilote tana in hmun theha luahlut tawh ten electric connection an neih theihna’n Serlui bialtu MLA Lalrinsanga Ralte chuan hma a laksak.
State police pahnih inkahna bulah hian ramri humhalhna turin Serlui bialtu MLA leh VC te hmalakna in inhmun neilote tana in hmun theh a ni a, in 16 luahluh tawh niin, in 6-in dan angin connection an nei tawh a, in 10 hian sum an neih loh avangin dan angin connection an la nei lo. Heng mite connection man tur hi bialtu MLA hian a tumsak.
Ramri humhalhna tha ber chu ramri bula awm khuate hmasawnna peka luahchilh zel thei tura hma lak a ni tih Lalrinsanga Ralte hian sawiin, Vairengte Vengthar chu Mizoram ramri humhalhna tura sawrkar leh VC te tangduna hmalakna a nih avangin a ngaihpawimawh thu leh, an harsatna tawhte chu a theih ang anga chinfel sak a duh thu a sawi a ni.
Vairengte Vengthara awmte hian tui connection an neih theihna turin pipe vuah vek tawh niin, tui dah khawl na turin tank siam zawh tep a ni tawh tih MLA hian a sawi a. Internal road pawh PCC flooring-in karthar atangin siam a ni dawn tih a sawi bawk.
Ramri bula awmte tan hma la
Get real time updates directly on you device, subscribe now.
Prev Post
Next Post