Ramsa ti na lo turin ngen

Ramsa ti na lo turin ngen
Aizawl Wildlife Division chuan kan chenna bulhnaia ramsa awmte ti na loa, humhalh turin mitin an ngen tih an sawi.
DCF Wildlife thuchhuak chuan, tunlai hian hmun engemawzatah mihring chenna hnaih tak takah ramsa lokalin, kan chenna in an tlawh ve fo a. Heng ramsa hi schedule animals, Wildlife (Protection) Act 1972-in humhalhna tha tak a pek vek an ni a, lo tihnat emaw thah emaw chuan hremna pawh a na hle tih a sawi.
‘Ramsate hian kan huang an rawn dai a ni loa, mihring kan pun chhoh zel avangin an huang kan va dai dar zawk a. Ramsaten thlai, bungrua tihchhiat an neih emaw mihring tih nat palh an neih chuan a rang thei ang bera Forest office hnai berah report in, kan thil an lo tih chhiat emaw mi an tih nat avanga sum sen zat hi sawrkarin compensation a pe leh thei a ni tih min lo hriatsak tur in kan inngen a ni,’ a ti.
April 2024-a Aizawl Sahuan atanga savawm chhuak pawh a bulhnai khua/ veng mipuiin tih nat tum loin a awm ang angin ramhnuai lama an awmtir bakah an
huanah a luh palh pawhin tina mai loin department an hrilhhriat thin azarah dam takin Aizawl Sahuan-ah man a nih leh theih phah tih sawiin, Aizawl Sahuan hnaia veng leh khua chungah pawh Forest department a lawm hle tih a sawi a ni.
‘Kan ramah nungchate thlamuang takin awm ve tawh rawh se, tiin kan in ngen takmeuh a. Heng ramsa hi ti na mai loin, kan tarlan number-ah hian eng hunah pawh hriattirna kan dawng thei a, rang taka ngaihven kan intiam a ni,’ a ti.
Wild animals Helpline Number:
8 8974436843 – Margaret Lalramchhani
8 9862970090 – James Thanmawia
8 9862347339 – Bethsebie Lalremruati
8 8974450937 – Zodingliana
8 8794445572 – Lalengkima