Rana-a’n court-ah a chhungte biak phalna dil

Rana-a’n court-ah a chhungte biak phalna dil
Mumbai khawpui beihna, 26/11 Mumbai terror attacks-a mawhphurtu ber nia puha lung ina dah mek, Tahawwur Hussain Rana-a chuan court-ah a chhungte biakpawh phalna a dil.
Rana-a hian Inrinni kal ta khan a danhremi kaltlangin special judge Hardeep Kaur-a hnenah dilna hi a thlen a, judge hian NIA hnenah April 23-ah an ngaihdan thlen ve turin a hriattir.
Kum 64 mi, Pakistani-Canadian sumdawng hi April 10 khan ni 18 chhung custody-a awm turin court chuan a ti.
NIA chuan beihnaa mawhphurtu dang nia an puh, David Coleman Headley-a’n India a tlawh hma khan beihpui an thlak dan tur hi Rana-a nen an ruahman niin a sawi niin an sawi.
Headley-a hian Rana-a hi email thawnin a thil neih leh bungraw neih kimchang pawh a hrilh niin NIA hian court-ah hian an sawi a, an kuta la awm rih an dil a ni.
Headley-a hian Rana-a hnenah hian Pakistani pahnih, Ilyas Kashmiri leh Abdur Rehman te pawh ruahmannaah hian an tel tih a hrilh niin NIA hian an sawi bawk.
26/11 Mumbai terror attacks-a a phiar kual veltu deuh ber, Daood Gilani tia an koh bawk, US khua leh tui, Headley-a nena inhnimhnai tak, Rana-a hi US Supreme Court chuan April 4 khan India-a thawn lo tura a dilna hnawlin India-ah hian an thawn ta a ni.
November 26, 2008-a Pakistani firfiak 10-in India sumdawnna khawpui an beihnaah khan rel station, khualbuk changkang pahnih leh Jewish centre an luhchilh. India-ah hian Arabian Sea atangin an lut a ni.
Darkar 60 dawn awha an chetnaah hian mi 166 thiin mi dang thahnem takin hliam an tuar bawk.