Ranvir-a’n rear pull-up record siam

Ranvir-a’n rear pull-up record siam
Ranvir tihah Bollywood star ni lo, Ranvir Desai zawk a ni e. Ahmedabad a cheng, tlangval kum 24 mi a ni a, minute khatah rear pull-up vawi 46 ti theiin, Guinness World Records a siam. A hmaa hetiang record chu 2018-a South Korean athlete-in a siam niin, minute khata vawi 45 a ti thei ve thung.
Rear pull-up chu exercise lak dan chikhat a ni a, pull-up an tih thin dan ang tho niin, mahse, an uaina bar khamah khabe dah chhuak lovin tukkhum lam an sik tir ve thung a, pull-up pangngai aia harsa leh hahthlak zawk a ni.
Ranvir chuan, “Minute khata rear pull-up tihnem thei record hi Korean infiammi-in 2018 a siam niin, kum nga chhung a record hi khum lohin a awm tawh a, chu chuan min chophur riau a ni. Record awm sa, minute khata vawi 45 khum turin kum khat leh a chanve chhung ka inbuatsaih a nih hi,” a ti.