Fifa Club World Cup final an khelh avanga team dang ruala kar-tawp league match khel ve hman ta lo Real Madrid chuan Thawh-lehni zan Spanish La Liga inkhel awmchhun-ah sili faiin an mikhual Elche an sawp a, an chung chiaha hma-hruaitu Barcelona nen khelh inzatah point riatin an inthlau leh ta phawt.
Bernabeu match-a home team goal hma-hruai hi minute riatna leka Marco Asensio tihluh niin, Dani Carva-jal-a ball pek chu Elche defender pahnih kara luhpuiin goal class tak a thun.
First half-a goal hnih dang hi Karim Ben-zema chanpual niin, penalty ve ve atanga a chhuihluh a ni a; a hmasa zawk hi darkar chanve pelh hleka a thun leh a vawihnihna hi chawlhlawk dawn hun pekbelha a khung leh niin, season kal lai inelna hrang hrangah belhkhawmin French striker hian goal 16 a khawl tling chiah a ni.
Spanish giants goal lina leh he inkhela goal lut hnuhnung ber ni zui ta hi hun pangngai tawp hma minute 10 la awma Luka Modric thun niin, table mawngphah luah-tu Elche-in goal hmang-in an chhanglet zo ve lo tluanchhuak.
Carlo Ancelotti team hian Inrinniah league match an khelh chhun-zawm leh dawn a, Osa-suna an luhkhung ang.
Spanish La Liga hmahruaitu Barcelona-in nizan result tarlan hman loh Europa Lea-gue play-off first leg-ah Manchester United an mikhual ve thung.
Real-in Barca hnaih leh hret
Get real time updates directly on you device, subscribe now.
Prev Post
Next Post