Real Madrid in Kepa an hawh

Real Madrid in Kepa
an hawh
Spanish La Liga club lian Real Madrid chuan Chelsea si nghak Kepa Arrizabalaga chu tun season chhung atan loan in an hawh.
Real Madrid si nghak Thibaut Courtois chuan hliam na tak a tuar a, zai a ngai hial. An si nghak duh thlan Courtois hi tun season chhungin a tam zawk an chhawr thei lova, a hmunruak luahtu tur an dap nghal. United si nghak hlui David de Gea an ngaihven hmasa zet naa Chelsea si nghak Kepa chu loan a hawh tumin an dawr ta zawk a, an hawh fel thei ta nghe nghe.
Real Madrid si nghak thar Kepa hian kum 2018 khan Athletic Bilbao atangin Chelsea a zawm. Chelsea hian Kepa manah £71m zet an seng a, Kepa hi tun thlengin si nghak manto ber a la ni reng. A man to viau mah se beisei angin a chetha tawk lova, hmun him a chang thei bik lo. Blues hian an si nghak pakhat Senegal international goalkeeper Edouard Mendy chu Saudi Pro League side Al-Ahli hnenah an hralh a. Memdy a chhuah vangin Kepa hian hum him chang tura ngaih ni bawk mah se Brighton atanga Robert Sanchez an lak luh vangin a dinhmun a him chuang lo. Brighton atanga an lak Sanchez hian Pathianni zana Liverpool an hmach-hawn tumin a club thar Chelsea tan bul a tan a, a chetha viau nghe nghe.
Kepa hian Chelsea tan inelna hrang hrangah vawi 163 a khel tawh a, tawnhriat tha tak nei chungin club ropui Real Madrid a zawm.