Real vs City

Infiamna
15 0

Champions League knockout playoff draw:
Real vs City
Nimin Nyon khawpuia Champions League knockout phase playoff-a intum tur an pawh fel takah defending champion Real Madrid leh 2023 winners Manchester City intum tur chu mite ngaihven hlawh ber ni nghalin, Europe team lian pahnih hian table-ah automatic-a last 16 stage lut thei chinho awmna top eight an thleng zo lo ve ve am Real hi 11-an niin, City phei chu 22-na daihah an thu a, league-phase format thar an duanchhuah zulzuiin playoff an khelh a ngai ta a ni.
36-team Champions League group table-a pakuana atanga 24 chinte tan two-legged playoff hmanga last 16 luh theihna kawng hawnsak an ni a, chu chu La Liga leh Premier League lama an team hraw pahnihte innghahna a ni ta mai mai rih!
2023 Champions League winners City hian Etihad Stadium-ah Madrid an mikhual phawt ang a, second leg khel turin Spain an pan zui ve leh dawn a ni.
Kum dang ang lo takin kumin draw-ah hian ram khat chhuak team-te chu intum phalsak an ni a, chuvangin nimin playoff draw-ah hian French club ve ve Paris St Germain leh Brest pawh an intum a ngai ta a, a tu emaw zawk zawkin last 16 an lut zo dawn lo.
Top eight chuangkai zo bik lo Serie A giants pahnih Juventus leh AC Milan erawh he draw-ah hian an inhamtawng lo hlauh a; Italian team hnih hian Dutch club ve ve tumin, Juve leh PSV Eindhoven, Milan leh Feyenoord kan hmu dawn a ni.
Manchester City leh European Cup-a vawi 15 tehreng champion tling tawh Real Madrid inhmachhawn dawn boruakah hian Champions League play-off round danga Celtic leh Bayern Munich insu tur pawh hi boruak neilian pakhat a ni ang.
Kum 1967-a an champion hnua British club zinga he trophy hawn thei hmasaber Celtic hian Celtic Park-a Bayern an mikhual zet hnuah Bundesliga club chuan Brendan Rodgers-a team hi Allianz Arena lamah second leg khelin an mikhual ve leh dawn a ni.
Playoff first leg hi February ni 11/12 chhunga khelh tur niin, playoff second leg hi February ni 18/19 atan dah a ni thung a; an han inchingfel ang a, February ni 21 chu last 16 draw hun a ni.
Team 36 inelna Champions League group table-ah khan English Premier League club pathum – Arsenal, Liverpool leh Aston Villa-te chuan top eight luahin play-off an khelh buai a ngai ve ta lo a; Liverpool kha league phase-ah a sang ber niin, an hnuai chiahah Barcelona an awm.
Arsenal pathumna an ni pha ve bawk a, Villa chuan last 16 lut pha chin hniam ber luahin pariatna an ni.

Playoff draw:

Club Brugge v Atalanta
Sporting v Borussia Dortmund
Manchester City v Real Madrid
Celtic v Bayern Munich
Juventus v PSV Eindhoven
Feyenoord v AC Milan
Brest v Paris St Germain
AS Monaco v Benfica

Continue Reading

Get real time updates directly on you device, subscribe now.

You might also like More from author
Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

On néglige souvent la température de la vaisselle, pourtant elle change la perception d'un plat autant que son assaisonnement. Les recettes de restaurants et de cafés méritent donc une étude plus attentive. le moment précis pour ajouter le miel Erreur fréquente : citron vert et film un sel floral aux pétales séchés quand le yaourt reste trop liquide vu autrement, le cognac dans le gravlax on conseille souvent cette poudre de tomates le détail pour un porc tendre Automne : pancakes aux pommes poêlés On conseille souvent la farine pour raffermir jusqu'au cœur des petits pains Au printemps, des brochettes hachées qui tiennent garder la menthe fraîche plus longtemps ne pas rincer le millet avant cuisson Cave humide ou garde-manger : on la sèche trop longtemps : méthode simple chou nature ou cranberries : réussir la fermentation Quand on rentre tard, une recette simple permet de préparer un dîner réconfortant sans sortir de chez soi. Quelques produits frais, une cuisson précise et les astuces des chefs suffisent à retrouver l'esprit d'un bon café.