Formula One hmahruaitu Max Verstappen chuan a titile kawl lai humhim turin hma a sawn zel a, Pathianni British Grand Prix-ah chak lehin, kum kal laia intlansiak vawi 10 zawh tawhah Red Bull an la chak fai vek a, season liamta nen belh-khawmin vawi 11 an chakzawn tling ta a, kum 1988-a vawi 11 chakzawn tling McLaren record an nihrualpui ta chiah a ni.
Silverstone tlankawnga F1 fans 160,000 zet pungkhawm hmaah McLaren driver Lando Norris chu pahnihnaah thlengin, Briton driver dang, season laihawl atanga rawn chetha chho leh tan, world champion vawi sarih ni tawh Lewis Hamil-ton chuan pasarihna atanga bul tan chungin pathumnaah a thleng a, British tlankawngah British driver pahnihin lawmman semna dawhsan an luah.
Dutch driver Verstappen tan tun kha season kal laia vawiriat a chakna leh a zawna vawiruk a chakna ni tawhin, double world champion hian pakhatnain a ken tel point pangngai bakah fastest lap ken tel point khat dang a hmuhbelh a, driver standing-ah point 99-in amah hnaih bertu leh a team-mate ni bawk Sergio Perez a kalsan.
Perez hi Silverstone tlan-kawngah a chetha lo a, 15-na atanga bul tanin, parukna a ni.
Australian Oscar Piastri chuan palinaah McLaren car thlenpuiin, Britain Mercedes driver George Russell pangana a ni a, pasarihnaah Aston Martin khalhtu Fernando Alonso thleng-in, Alex Albon chuan khawng zawka Williams inlan mek a chhunzawmpui a, pariatnaah thlengin a hnung chiaha Ferrari driver pahnih Charles Leclerc leh Carlos Sainz-te chu point hmu pha hnuhnung pahnih an ni.
Record dinglai tluktu Verstappen
Get real time updates directly on you device, subscribe now.
Prev Post
Next Post