Record siamin 2026 BRIT Awards-ah HUNTR/X perform dawn

Animated movie, KPop Demon Hunters-a hmeichhe pathum group HUNTR/X tana aw thawhtu Audrey Nuna, EJAE leh Rei Ami te chuan 2026 BRIT Awards semna, February ni 28-a neih turah an hla hit ‘Golden’ an perform dawn tih an puang a, BRIT Awards-a Kpop lam kaihhnawih perform hmasa ber an ni dawn ta a ni.
BRIT Awards hi Co-op Live, Manchester-ah sem a ni dawn a, British rimawi kawvela chawimawina sang niin, an Grammy an tihsak ve mai thin a ni. He award semnaah hian Kpop artist an la perform ngai lo a, HUNTR/X hi a hmasa ber an ni dawn ta a ni. HUNTR/X hi Oscar semnaah pawh an perform dawn bawk a, March ni 15 a sem tur Oscar-ah huan HUNTR/X hi “Golden” avangin best original song-ah an nominate an ni nghe nghe.
Kumin BRIT-ah hian HUNTR/X hian nomination pahnih an nei a, international group of the year-ah an lan bakah an hla ‘Golden’ chu best international song-ah nominate a ni bawk. EJAE, Audrey Nuna leh REI AMI te chuan thuchhuah siamin, “BRIT awards-ah kuminah nomination pahnih kan nei hi kan phur tak zet a KPOP Demon Hunters rimawi hlawhtlinna kan la tem zel a ni. Manchester-ah peformance special tak kan rawn chhawp chhuak ang. UK fan-te kan inhmu thuai dawn nia,” an ti.
Kumin BRITs-ah a peform tur an puan tawhah HUNTR/X hi a parukna an ni a, Olivia Dean, Mark Ronson, Harry Styles, Wolf Alice leh Rosalia te perform tur an lo puang tawh a, Rosalia hi Spain lam chhuak a ni.
‘Golden’ hi award lamah a hlawhtling thei riau mai a, Critics’ Choice Awards leh Golden Globes-ah best original song- motion picture a dawng ve ve a, Grammy-ah best song written for visual media a dawng tawh bawk.