Red Cross thalaiten chhiatna thlen huna chet lak dan tur zir

Red Cross thalaiten chhiatna
thlen huna chet lak dan tur zir
Red Cross Society (RCS) Mizoram leh Disaster Management Department tangdun chuan college hrang hranga Youth Red Cross member-te tan Ningani khan Govt Aizawl North College-ah ni khat awh disaster management and rehabilitation training an buatsaih.
RCS Mizoram chairman H Lalengmawia chuan Red Cross Society kalphung chu Mizo hnam nunphung nena inhmeh tak a nih angin, chumi kaihhnawiha disaster management training an buatsaih thei chu lawmawm a tih thu a sawi a. Zirlaite chu midang tanpui kawnga theihtawp chhuah tur leh rikrum thil a lo thlen hunah pawh RCS thuvawn ang taka mahni inphata midang tanpuitu ni turin a chah.
Training-ah hian college pathum – Govt Aizawl North College, Govt T Romana College leh Govt Aizawl College atangin zirlai, Youth Red Cross member an tel a. Mithiam sawm bikten chhiatna thlen thulha chet lak dan leh a kaihhnawih hrang hrang – lo inralrin dan, khawtlang huapa chhiatna thleng thei laka inven dan, lirnghing leh kangmei chhuak laka inven dan an zirtir a ni.