Rel chetsual chhan CBI ten chhui mek

Central Bureau of Investigation (CBI) officials tena June 2-a Odisha-a Baanaga Bazar-a Coromandel Express, Yashwantpur-Howrah Express leh bungraw phur rel te chetsualna chhan chhui chianna an nei mek a. Kha rel chesualah khan nunna chan 288 lai awmin hliam tuar 1,200 chuang an awm bawk a ni.
Officials te chuan passenger train coach chhia pahnih te chu thlurbingin Bahanaga Bazar railway station a signalling system te pawh enfiahna neiin rel chetsualna chhan hi signal lam fel lo vang ni theiah an ngai a. Document pawimawh te leh data-logger records te en in an la zirchiang mek a ni.
Delhi-ah pawh Railway Minister Ashwini Vaishnkaw chuan senior officials te nen rail safety measures chungchangah meeting an nei zut bawk a. Bahanaga Bazar station rel kawng hi Pathianni zan khan tihfel niin khata tang khan rel 70 chuangin an paltlang leh tawh thung.
Railways Ministry leh State sorkar te remtihna in CBI te chuan rel chetsual an chhuina kawngah ections 337 (causing hurt by act endangering life or personal safety of others), 338 (causing grievous hurt by act endangering life or personal safety of others), 304 A (causing death by negligence), and 34 (acts done by several persons in furtherance of common intention) of the Indian Penal Code hmangin thubuai ziaklut tawh bawk a.
A hmain Sub-Inpector of Police Papu Kumar Naik complaint angin First Information Report pawh Balasore Government Railway police station ah ‘inthlahdah’ avangin chetsualna a thleng tiin ziah luh a ni bawk a. “Tun dinhmunah chuan railway hnathawk man bik an la awm lo va, tihchian vat a ni ang,” tiin an sawi bawk.
Rel chetsual chhan dik tak hriatfiah tuma hmalak a nih mek laiin ruang thahnem tak tute nge an nih finfiah theih loh a la awm bawk a, rel chetsaul atanga ni nga a liam tawh hnuah pawh ruang 83 lai chu tute nge an nih hriatfiah theih lohin a la awm a ni.
“Ruang 83 te hi tute nge an nih kan la hre thei lo va, DNA sample te lak a ni a, Toll-free number kan siamah call kan dawng hnem a, tute nge an nih finfiah tura hma lak mek a ni,” tiin Odisha Chief Secretary Pradeep Kumar Jena chuan a sawi.