Railway Minister Ashwini Vaishnaw, Balasore a rel pathum insutbuaia mi 288-in nunna an chan phah hialna restoration work enfel mektu chuan rel chetsualna thlen chhanna chu electronic interlocking vang tiin a sawi.
Balasore train chetsualnaah hian passenger train pahnih leh bungrua phur rel te chu an insu a, nunna chan 288 awm tawhin mi 1,000 chuangin hliam an tuar bawk.
Ashwini Vaishnaw chuan commissioner of railway safety chuan investigation a neihpui mek thu sawiin chetsualna awm chhan mai bakah mwhphurtute pawh hriatfiah an ni tawh tiin a sawi bawk a.
“Commissioner of railway safety chuan chhuichianna neiin investigation report pawh peihfel a ni tawh a, chutah chuan chetsualna awm chhan hriatfiah niin chuta mawhphurtu mihring te pawh hriat an ni a. Chetsualna hi electronic interlocking vang a ni” tiin Vaishnaw chuan a sawi.
Railway Minister Ashwini Vaishnaw chuan tuna an tum ber chu senghawia chinfel zung zung leh Nilaini zing lama rel tlantir hman tawh ngei tum a nih thu a sawi a.
“Prime Minister Narendra Modi pawhin chetsualna hmun a tlawh tawh a. Vawiinah a rel kawng hrim hrim chu thenfai hman tum a ni a. Ruangte lakchhuah a ni tawh a, Nilaini zing atangin rel a tlan leh theih kan beisei a ni,” tiin Railway Minister Ashwini Vasihnaw chuan a sawi.
Indian Air Force (IAF) te chuan chetsualna hmuna chhanchhuahna hnathawk turin Mi-17 helicopter an chhawp bawk a. Eastern Command, IAF chuan civil administration leh Indian Railways te nen an thawhho thu a sawi bawk.
Rel chetsual chhan preliminary report-ah chetsualnaah hian rel pathum Bengaluru-Howrah Superfast Express, Coromanfel Express leh bungrua phur rel te kawng hran theuha tlan chu Bahanaga Bazar Sation, Balasore district-ah an intawk buai a.
Passenger train-a coach 17 lai te chu tluin nasa taka tihchhiatin a awm a, rel chetsual hi kar kalta Zirtawpni zana thleng kha a ni.
Rel chetsual chhan hrefiah tawh : Vaishnaw
Get real time updates directly on you device, subscribe now.
Next Post