Uttar Pradesh a Chandigarh-Dibrugarh Express rel a chetsual hnuah Opposition party te chuan inthurual ang tlukin Modi sorkar chu na taka beiin safety measures kalpuiah fello a awm an ti.
Congress president Mallikarjun Kharge chuan Kavach anti-collision system chu rang takin India rama route tinah bun tur tiin a ngiat a.
Kharge chuan, “Prime Minister Narendra Modi leh a a Railway Minister te hian Indian Railways a harsatna namenlo thlengah hian mawhphurhna an la tur a ni” tiin a sawi.
Thla kalta khan bungraw phur rel leh Sealdah-Agartala Kanchanjunga Express insu avangin mi 11 in nunna an chanphah tawh a ti bawk a. Commissioner of Railway Safety chuan khatih lai khan accident chu a thlen hun kan nghak ang a ni a ti, a ti bawk a.
Kharge chuan chhuichian a nih hnuah automatic signal dik loh vang te, managing operation hrang hranga thil fel lo awm te, critical safety equipment hrang hrang walkie-talkies te ang te leh loco-pilot leh train manager te ang awm lo chu accident chhan a ni tih a ni a ti bawk a.
Kar kalta khan Congress te chuan Leader of Opposition Rahul Gandhi an loco-pilots te nena inbiangbiakna an neih leh an lungawilohna te darkar reitak hna an thawh dan te an lo tichhuak tawh bawk a.
Rahul Gandhi chuan rail accident tam lutuk chu a manganthlak tia sawiin sorkar inthlahdah vang leh enkawlna mumal loh vang tiin a sawi a. Sorkar hian mawhphurhna la in rail safety lama hmalakna tur mipui hriatah puang rawh se a ti bawk.
-- Advertisement --
Himna a pawimawh ber : Mamata
West Bengal Chief Minister leh Trinamool Congress president Mamata Banerjee pawhin sorkar leh railway authority te chu demin, “Railway thuneitute hian eng nge an tih? Government of India hian eng gne a tih? Passenger te himna leh security aia pawimawh a awm lo. Sorkar hi engtikah nge a harhchhuah dawn?” tiin a sawi.
Samajwadi Party president Akhilesh Yadav chuan sorkar atangin chhanna mumal an beisei thu sawiin heng accident a mawhphurhtute hian hrem an phutawk an tawk ngei tur a ni a ti bawk a.
CPI general secretary D. Raja pawhin rail accident thlng zing lutuk chu rail infrastructure maintainance hlawhchham vang a ti bawk a. “Prime Minister Narendra Modi an Viksit Bharat sawi rengin development turu zia a sawi chamchi a. Vande Bharat train leh bullet train te hahipina sawi a, a nih leh rel kawng enkawlna lam thung? Indian Railway hian sorkar in a hnawhkhah duh loh avangin staff a tlachham mek a ni” tiin a sawi.