Rel passenger phur MST bus tlan hun sawn hma

Tunhnaiah traffic jam vangin Guwahati kal tur rel passenger-te phurtu MST bus chu a hunah a thleng hman loa, hei vang hian Transport department chuan bus chhuah hun hi darkar khatin a sawn hma.
Transport department hotute sawi danin, September 13-ah Sairang Rel Station hawn a nih hnu ah veivahna chungchangah khualzinten harsatna an tawh lohna turin September 29 atangin MST bus service tir a ni a. Delhi, Kolkata leh Guwahati atanga lokalte phur hian MST bus trip (to & fro) vawi 79 kal tawhin, passenger 3196 phurh an ni tawh.
Heng passenger phurhte hi a hun takah, tlai loin phurh thlen vek an nih thin laiin, November 1 (Inrinni) a Guwahati kal tur passenger-te MST bus-in a hun taka a thlenpui thei lo chu department chuan pawi a ti hle tih a sawi.
‘MST bus ticket hi ni 7 hmalam atangin advance booking tih theih a ni a. A hunbi dik tak (departure time) a thlen hma chuan an chhuak ngai lo. November 1 pawh hian Transport Complex Chaltlang atangin tlai dar 5-ah chhuakin, zan dar 7-a train chhuak a nang hman ta lo a ni. A chhan ber nia lang chu traffic jam nasa lutuk vang a ni,’ a ti.
He thil thleng hi department chuan pawi a ti takzet tih sawiin, passenger phurhte chungah ngaihdam an dil tih a sawi. Hemi chungchang ngaihtuah hian department hotute an inhmukhawm nghal a, tun hnuah bus a thlen tlai tawh lohna turin Guwahati kal tur bik tan Transport Complex atanga bus chhuah hun hi darkar khata sawn hma a ni tih an sawi a ni.
Ni Transport Complex Saireng Rel Station
Chaltlang to to Transport
Saireng Rel Station Complex Chaltlang
Monday zing 5.30 zing 9.00
tlai 4.00 tlai 7.30
Tuesday zing 7.00 zing 9.00
chawhnu 2.00 chawhnu 3.45
tlai 4.00 tlai 7.30
Wednesday zing 7.00 zing 9.00
tlai 4.00 zan 8.15
Thursday zing 5.30 zing 9.00
tlai 4.00 zan 8.15
Friday zing 5.30 zing 9.00
chawhnu 2.30 tlai 4.30
tlai 4.00 zan 7.30
Saturday zing 7.00 zing 9.00
tlai 4.00 tlai 7.30
Sunday zing 7.00 zing 9.00
tlai 4.00 zan 8.15