Remna leh himna vangin Mizoram tinzawn
Hmasawnna lam hnathawh kawnga tha thawhtu Japan International Cooperation Agency (JICA) chuan Mizorama hma an lak chhan zingah remna leh muanna a awm vang a ni tih an sawi.
Nilaini khan JICA aiawh, programme coordinator Kuniaki Yazawa leh senior project officer Joyanta Rabha te chu LESDE department hotute nen JOCV (Japan Overseas Cooperation Volunteer Programme) kalpui dan tur chungchang an sawiho a. He programme-ah hian Japan mi volunteer-ten hma an lakna hmunah hian Japanese an zirtir a, thiamthil an neih theihna’n an pui thin bawk. Hei hi Japan rama hna thawhna tur an zawnna kawnga puitu atan hman thin a ni.
Ram 96 ah hei hi kalpui niin, India ramah chuan hmarchhak, a bikin Mizoramah heng hmalakna hi tinzawn a ni tih JICA aiawhte hian an sawi a. A chhan an sawiah chuan Mizoram chu a ram a ralmuan vang tih an sawi.
LESDE hotute chuan Japan-a thawk tur Mizo nurse 20 chu Japanese tawng zirtir mek an nih thu te an sawi a. JOCV programme-ah hian Japanese volunteer-ten Mission Foundation Movement kaltlangin Mizo thalaite Japan tawng leh thiamthil lama puihna tur an buaipui sak dawn a ni. JICA hian a bul a tum dawn a ni.
JICA hian kawng hrang hrangin Mizoram hmasawnna hna thawhna kawngah sum leh thiamna hmangin tha a thawh mek a ni.
Remna leh himna vangin Mizoram tinzawn
Get real time updates directly on you device, subscribe now.
Prev Post