Kumina Remna Ni denchhenin Mizoram Police chuan Nilaini khan hmun hrang hrangah a thlawnin thisen unit 112 an pe a; midangte pek nen a vaiin unit 160 pek a ni.
District Hospital Champhai Blood Bank tan Champhai Police ten thisen unit 16 an pe a. Champhai South leh Champhai North MNF Thalai-in unit 48 an pe bawk. Thisen pek runpui hi Champhai South bialtu MLA, minister TJ Lalnuntluanga chuan a telpui a ni.
Khawzawl SP office-in DC office, 2nd IR Bn leh Sub-Hqrs YMA Khawzawl te nen tanghoin District Hospital Champhai tan unit 41 an pe a. Lunglei SP office-in District Police, 2nd Bn MAP, CID (SB) leh Fire & Emergency Services atangin mi (unit) 21 chu Christian Hospital Serkawn an pe a ni.
Civil Hospital Aizawl Blood Bank tan Aizawl District Police-in unit 18 leh Aizawl Traffic Police-in unit 16 an pe bawk.
Remna Ni pual thisen pe
Get real time updates directly on you device, subscribe now.
Prev Post