RemPham’Ly theatre-ah ‘Despicable Me 4’

Nimin khan US-ah an tlangzarh a, vawiin atangin Aizawl-ah a en ve theih nghal dawn. RemPham’Ly theatre-ah vawiin atangin animated movie ‘Despicable Me 4’ chu chhuah tan a ni dawn ta. RemPham’Ly hian Deadpool & Wolverince, It Ends With Us leh Alien: Romulus te pawh film tihchhuah thar tur hnaivai zingah an nei e.
Despicable Me 4 hi 2017-a an tlangzarh tawh ‘Despicable Me 3’ chhunzawmna a ni a, Chris Renauda leh Patrick Delagea te co-direct niin, Steve Carell, Kristen Wiig, Pierre Coffin, Joey King, Miranda Cosgrove, Stephen Colbert, Steve Coogan, Sofia Vergara leh Will Farrell te pawh aw thawhtu zingah an tel.
Despicable Me 4-ah hian film hmasa lama supervillaan ni thin Gru chu tihdanglamin a awm a, a tha zawngin a rilru a kal ta a, Anti-Villain League-agent dinin, misual leh pawnlam mi laka an khaw venhim chu an tum ber a ni. An member atan Gru fapa, Gru Jr. an la lut a, mahse, Gru tan phurrit leh buaina thlentu a ni zawk mah a, a venhim deuh reng a ngai zawk. Gru leh a pawlte chuan misual Maxime Le Mal an tawng a, ani hian a um ta deuh reng zawk a ni.