Restaurant leh hotel endik; Dawr license nei lo an tam

Restaurant leh hotel endik;
Dawr license nei lo an tam
Aizawl Municipal Corporation hnuaia Committee on Regulations of Restaurant, Hotel & Hostel chuan Thawhtanni khan a vawikhatna atan Aizawla restaurant leh hotel faina leh thianghlimna lam an endik.
AMC registration an neih leh neih loh, bawlhlawh thliarhran dan leh an hmunhma faina lam an endik a. Aizawla restaurant-te AMC-a registration/ dawr license neilo tam tak an awm tih hmuhchhuah a ni.
Kumin November 4-a mipui an lo chah tawh angin, la inchingfel lo te chu kumin November thla chhunga inchingfel turin an hriattir nawn tih he Committee hian sawiin, a hnu lamah chuan license nei lo leh nung lo emaw registration ti lo chu an dawr kharsak emaw AMC Licensing Regulations 2012 sawi angin Rs. 5000 thlenga chawitir theih an ni dawn tih a sawi.