RIAA Year-End List-ah Taylor Swift a No.1

RIAA Year-End List-ah Taylor Swift a No.1
Recording Industry Association of America (RIAA)-in kum khat chhunga US-a album leh hla hralh that dan atanga teha kum tawpa ranking an siam thinah kuminah Taylor Swift a No.1 leh ta a, nikum pawh khan Swift hi album hralh tha ber a lo ni tawh a, a kum zawnin he dinhmunah hian a ding ta a ni.
Taylor Swift album ‘The Life of a Showgirl’ chuan kuminah RIAA 5x platinum certification a dawng thei a, chu chu US-ah ringawt hi album hi maktaduai 5 an hralh tling thei tina a ni.. He album hi October thlaa a tlangzarh chauh kha a ni lehnghal!
Taylor Swift hian kuminah RIAA recorda lo siam tawh a, RIAA-certified album maktaduai 100 nei tling tawhin, hmeichhe zaithiam zinga hetiang tithei awmchhun a la ni.
RIAA chairman & CEO Mitch Glazier chuan, “Mihringte themthiamna leh theihna te entir a, rimawi kawvela mellung pawimawh tak tak phun thintu, artist-te leh an label-te hi kan chhuangin, kan lawmpui em em a ni. Taylor Swift atanga Alex Warren thlengin, kumina he chawimawina dawng zawng zawng te, artist RIAA certification dawng tawh zawng zawng te nen, kum 2025 hi rimawi hi mihringte nun a nghawng danglam theih dante phur taka ngaihtuah chungin dusakna kan hlan che u,” a ti.
Alex Warren “Ordinaty” chuan, 3x platinum (US-a maktaduai 3 hralh theih) a kai a, he hla hi Billboard Hot 100 (US singles) chart-ah pawh kar 10 a No.1 thei a, RIAA hian kumina US-a hla hralh that berah a puang ve thung a, KPop Demon Hunters soundtrack HUNTRIX “Golden” tana aw thawhtu- EJAE, Audrey Nuna leh REI AMI te pawh chawimawi zingah an tel a, an hla hit “Golden” hian 2x Platinum singles a kai thei a, an hla dang “How It’s Done’ leh “What It Sounds Like’ ten platinum singles an kai bawk.