Rifle in kah siak (Nungcha aiah Target)

Rifle in kah siak
(Nungcha aiah Target)
Aizawl Distric Rifle Association (ADRA) buatsaihin April ni 21 leh 22, 2023 chhung hian 3rd Battalion MAP Field, Mualpuiah Air Rifle inkahsiakna neih a ni dawn a. Silai kap thiam mi thahnem tak an fuankhawm tura ngaih a ni.
He competition in a tum ber chu silai kah lama tui mite inkhap bet ringawt loa nungcha humhalh tura inzirtirna leh silai kah hmanga intih hlimna buatsaih a ni ber a. He competition Theme tur pawh hi ‘Nungcha aiah Target’ tih a ni dawn a ni. Dan hnuaiah mimal a duh apiang ten an kap theih dawn a, inelna hmachhawn tur ten silai leh a mu intum tur a ni a. Silai in hman tawm tur chhawp a ni lo ang. Inelnaah hian Fire arms erawh a tel lo dawn lo.
He inelna neih hnu lawk May ni 4-6, 2023 chhungin ADRA hian District shooting competition a buatsaih zui leh nghal dawn a. He inelnaah erawh hi chuan mimal a apiang tan ni tawh lovin ADRA hnuaia Affiliated Club chauhin an kap thei tawh thung ang. He inelnaa tithate chuan State championship neih hunah District ai an awh ang a, chuta an la kap tha a, an tling zel anih chuan Mizoram ai an awh lehin, National level mai bakah International level thlengin a-inelna an hmachhawn zui thei dawn a ni.