Warriors an tlawm nghal
April 15, Inrinni a tang khan NBA play-off khelh tan a ni a. Champion lai Golden State Warriors chu Sacramento King hneh lovin an tlawm nghal.
Champion lai Golden State Warriors hian Pathiani zinga an khing-pui Kings lakah bul tan tha thawkhat mah se a tawp an khar that loh an tuar a, play-off game khatnaah point thumin tlawm zawkah an tang.
Warriors leh Kings hian hmuhnawm takin bul an tan a, quarter khat naah point 29 ve ve thawkchhuakin an in hnehtawk nghal. Quarter hnihnaah Warriors an khel tha a, point 6 a hmahruai chungin chawl-hlawk an hmang. Chawl-hlawk hnu lamah Sacramento Kings an khel tha ve thun. King hi quarter thumnaah point 7 in chungnung zawkah an tang ve thung a, an khingpuite an lehpel. Quarter hnuhnung berah hnehna chan ngei tumin an inlehthal zak zak a, Kings hi point hniha chungnun zui lehin champion lai Warriors hi point 126-123 in an hneh zui ta a ni.
Pathianni zinga in-khel dangah New York Nicks chuan an khingpui Cleaveland Cavaliers chu point 101-97 in an hneh ve bawk. Tarlan tawh angin NBA play-off hi inrinni zing khan khelh tan a ni a. Inrinni zinga inkhel pahnih awmah Philadelphi 76ers leh Boston Celtic ten hnehna an chang.
76ers hian an khing-pui Brooklyn Nets chu point 121-101 in an hneh a. Boston Celtic chuan an khingpui Atlanta Hawks chu point 112-99 in an hneh ve bawk.
NBA play-off hi first round atanga final thleng in game sarih khelh tura ruahman a ni a. Game thum la hma sa sa in hnehna an chang a, game thum an lak hma dan a zirin game sarih khelh kher a ngai lo thung.
Warriors an tlawm nghal
Get real time updates directly on you device, subscribe now.
Prev Post
Next Post