Rock and Roll Hall of Fame Class of 2024 induction ceremony

Rock and Roll Hall of Fame Class of 2024 induction ceremony
Rock and Roll Hall of Fame-a kumina lak luhte pualin Rocket Mortgage Fieldhouse, Cleveland, Ohio-ah hun an hmang ta a, zaithiam lar ten hun an hmang a, lak luh thar thenkhat an perform nghal bawk. He all of Fame Induction Ceremony hi Disney+ ah an stream.
Kumin hian Cher, Mary J Blige, Ozzy Osbourne, Kool & the Gang, A Tribe Called Quest, Dave Matthews Band, Foreigner leh Peter Frampton te chu lak luh an ni a, Alexis Korner, John Mayall leh Big Mama Thornton te an musical influence avanging chawimawina hlan an nih bakah Jimmy Buffett, Dionne Warwick, MC5 leh Norman Whitfield ten rimawi lama an thawh hlawk avangin award an dawng bawk.
Lak luh tharte pual hian zaithiam lar an perform nual a, chung zingah chuan Dua Lipa, Demi Lovato, Kelly Clarkson, Dr. Dre, Sammy Hagar, Keith Urban te pawh an tel a, ceremony darkar nga chuang mah hun an hmang a ni.
Dua Lipa leh Cher ten show an kick off a, Dua Lipa hian Cher hla ‘Believe’ a bul tanin, a bridge a sak laiin amah, Cher ngei mai chu stage-ah inlanin, Dua Lipa a rawn zaipui ve nghal. Cher hi kum 78 mi ni ve tawh mah se a performance a la hmuhnawm hle a, a hla hit ‘If I Could Turn Back Time’ a perform bawk.
Dionne Warwick pawhin a hla hit ‘I’ll Never Love This Way Again’ sain, Jennifer Hudson nen pui zetin an zai dun a, an zai zawh meuh chuan mipuiin ding chunga kutbengin an lawm. Foreigner performance pawh a pui e, Rick Wills, Lou Gramm leh Al Greenwood te chauh pawh ni se a boruak a len tawh sa nak laiin, Chad Smith, Slash, Demi Lovato, Sammy Hagar leh Kelly Clarkson te nena an han cheho chu pui tak a ni. Anni hian ‘Feels Like the Fisrt Time,’ ‘Hot Blooded,’ leh ‘I Want to Know What Love Is’ te an sa.