Rod Wave album ‘Nostalgia’ chu Billboard 200 (albums) chart-ah a No.1 a, he chart-a a zawna kar hnih a No.1-na a ni ta. Hetihrual hian Doja Cat leh Zach Bryan te pawh top 10-ah an debut.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah album-a hlate stream na atanga album hralhna tlukpui leh album-a hla mal hralhna atanga album tlukpui te belhkhawm thin a ni.
Rod Wave ‘Nostalgia’ hi kar khat chhung 88,000 an hralh leh a, chung zingah 87,500 chu streaming atanga album hralhna tlukpui (on-demand official stream maktaduai 124.51) niin, album tak tak hralh chu 500 a ni a, album-a hla mal hralhna chu tih tham a ni lo.
Chart No.1 hlui Olivia Rodrigo ‘Guts’ chu 87,500 hralh lehin No.2-ah bawk a la awm a, chart No.1 hlui bawk Morgan Wallen ‘One Thing at a Time’ chu 73,000 hralh lehin No.4 atangin No.3 a kai thar leh ta bawk.
Doja Cat album thar ‘Scarlet’ chu 72,000 hralhin No.4-ah a debut a, he album hi a hla hit, Hot 100 chart-a No.1 ni thei ‘Paint the Town Red’ awmna kha niin, he chart-a a album top 10 kai thei pathumna a ni bawk.
Chart No.1 hlui Zach Bryan self titled album ‘Zach Bryan’ chu 66,000 hralh lehin No.3 atanhin No.5-ah a tawlh a, chart No.1 hlui bawk SZA ‘SOS’ chu 49,000 hralh lehin No.5 atangin No.6-ah a tawlh a, chart No.1 hlui tho Travis Scott ‘Utopia’ chu 44,000 hralh lehin No.6 atangin No.7-ah a tawlh ta bawk.
Zach Bryan album dang, hla panga awmna ‘Boys of Faith’ chu 43,500 hralhin No.8-ah a debut a, hei hi a album chart top 10-a lang thei pathumna a ni.
Peso Pluma ‘Genesis’ chu 43,000 hralh lehin No.7 atangin No.9-ah a tawlh a, chart No.1 hlui Taylor Swift ‘Midnights’ chu 42,000 hralh lehin No.8 atangin No.10-ah a tawlh ve ta bawk
Rod Wave ‘Nostalgia’ a la No.1
Get real time updates directly on you device, subscribe now.
Next Post