Rorelna dik duhtute inkhawmpui

Rorelna dik duhtute inkhawmpui
Mizoram First, Mizo Hnam Inkhawmpui leh Rorelna Dik te buatsaihin May 6 Aizawlah khan “Rorelna Dik Duhtute (RRDDT) Inkhawmpui” neih a ni a, Aizawl bakah khaw hrang hrang atangin palai an tel.
‘RRDDT’ tihah hian hming pathum langin an vai hian pawl anga inhung duh lo á¹­heuh, huapzo taka beihpui thlak (movement) ang zawnga hma lak duh theuh an ni tih an sawi a. Hetia a huhova hma lak a nih hma hian anmahni zawnah theuh theih ang tawkin kawng hrang hrangin hma an la tawh tih an sawi.
MLA inthlanpui neih tur pualin RRDDT chuan MNF, PC, ZPM leh Congress party hnenah ngenna hrang hrang an thlen tih sawiin vote zawnna lamah sum hmatheh lo tur leh mi rintlakte chauh candidate turte, hmalakna tura mipui hnena inzawrh nan thiltihtheih leh a kawng ruahmanna neih felsa chauh zuar turte, party chhungah an party primary member-te dah pawimawh a, hruaitu thlan leh candidate thlan danah democracy kalhmang zuia an party member-te thlanchhuah hruaitu leh candidate siam á¹­hin turin an ngen tih an sawi. Political party hruaitu leh sawrkarna changtu an lo nih a, sawrkarna lama hotute chuan an party kaihhruaina lam chu chelh kawp lo thei se, tiin an duh thu an thlen bawk.
RRDDT chuan ram rorelna tha leh fel a awm theihna atana thawhpuia mipui sawmna campaign, Aizawl pawna district hrang hrang tlawha programme siama campaign, political party hrang hrang manifesto theuh bihchian a, eng ang chiahin nge an manifesto mila hma lak an tum tih zawhfiah a, mipui vantlang hmaa tar chhuahte chu an hmachhawpah a awm tih an sawi a ni.