ROSE & Bruno Mars ‘APT.’ a la lar ber

ROSE & Bruno Mars ‘APT.’ a la lar ber
ROSE leh Bruno Mars hla hit ‘APT.’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-ah hian kar 11 a No.1 tling ta. Hetihrual hian Lola Young ‘Messy’ chu top 5 a kai a, Bad Bunny pawhin a album thar DeBÍ TiRAR MáS FOToS atangin hla pahnih top 10-ah a debut pui bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
ROSE leh Bruno Mars ‘APT.’ hian kar khat chhungin stream maktaduai 138 leh sales 17,000 a la nei thei a, hei hi a kar 11 nan chart-ah a No.1 pui leh ta, The Kid LAROI leh Justin Bieber te hla ‘Stay’ nih rualin, he chart-a No.1 nih rei theihah palina a ni ve ta.
Chart No.1 hlui Lady Gaga leh Bruno Mars ‘Die With a Smile’ chuan stream maktaduai 131.7 nei lehin, No.2-ah bawk a la awm a, he hla hian nikum September atang khan kartin stream maktaduai 100 a la kai thei ziah a, kar 19 chhung hetiang hi kai tawhin, a zawna kar khata stream maktaduai 100 kai rei thei ber a la ni.
Chart No.1 hlui Billie Eilish ‘Birds of a Feather’ chu No.3-ah bawk a la awm a, Gracie Abrams ‘That’s So True’ pawh No.4-ah bawk a la awm.
Lola Young ‘Messy’-in stream maktaduai 43.5 leh sales 7,000 neiin, No.8 atangin No.5 a kai a, he chart top 5-a Lola Young a lan vawi khatna a ni.
Bad Bunny pawhin chart top 10-ah a hla pahnih a debut pui a, “NUEVAYoL” leh “BAILE INoLVIDABLE” ten stream maktaduai 40.2 leh maktaduai 39.1 neiin, No.9 leh No.10 an ni.
Billboard Global 200 Top 10:
1 APT. – ROSE & Bruno Mars
2 Die With A Smile – Lady Gaga & Bruno Mars
3 Birds Of A Feather – Billie Eilish
4 That’s So True – Gracie Abrams
5 Messy – Lola Young
6 Luther – Kendrick Lamar & SZA
7 Espresso – Sabrina Carpenter
8 Lose Control – Teddy Swims
9 Nuevayol – Bad Bunny
10 Baile Inolvidable – Bad Bunny