ROSE leh Bruno Mars ‘APT.’ a la lar ber
ROSE leh Bruno Mars hla hit ‘APT’ chu kar khat chhunga khawvel huapa hla lar ber niin Billboard Global 200 chart-ah a No.1 a, he chart-ah hian kar li a No.1 tling ta. Hetihrual hian Gigi Perez pawh a vawi khat chart top 10-ah a lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales atanga tehin chart ranking siam thin a ni.
‘APT.’ hian an tlangzarh atanga kar linaah pawh stream maktaduai 146.4 leh sales 14,000 a la tling thei a, hei hi a No.1 pui leh ta a ni. ‘APT.’ hi an tlangzarh karah stream maktaduai 224.5 kaiin (kumina kar khat chhunga hla stream nasat ber), a kar hnihnaah stream maktaduai 207.5 (kumina kar khat chhunga hla stream nasat ber dawttu) a la kai thei a, Billboard Global 200 chart record siamin, kar khat aia tam stream maktaduai 200 chin kai thei hmasa ber a ni a, a kar thumnaah stream maktaduai 176.8 (hei pawh kumina kar khat chhunga hla stream nasat palina) kai lehin, tunah a kar linaah maktaduai 162.2 (kumina kar khat chhunga hla stream nasat pangana) a la kai thei a ni.
Chart No.1 hlui Lady Gaga leh Bruno Mars ‘Die With a Smile’ chu No.2-ah bawk a la awm a, he hla hi chart a kar riat No.1 thei a ni a, stream maktaduai 119.1 a la kai thei a, kar 11 chhung chu kartin stream maktaduai 100 a la kai ziah a, hetiang tithei hmasa ber a ni.
Chart No.1 hlui Billie Eilish ‘Birds of a Feather’ chu No.3-ah bawk awm lehin, Gracie Abrams hla he chart top 10-a lang thei hmasa ber ‘That’s So True’ chu No.6 atangin No.4-ah a insawn a, he chart top 5-ah a lan vawi khatna a ni leh ta a, Oscar Maydon leh Fuerza Regida ‘Tu Boda’ chu No.4 atangin No.5-ah a tawlh ve thung.
Gigi Perez hla ‘Sailor Song’ -in stream maktaduai 42.8 kaiin, No.12 atangin No.10-ah a invawrh a, Gigi Perez hla he chart top 10-a lang thei hmasa ber a ni. New Jersey nula Gigi hian he hla hi amah ngeiin a phuah bakah a produce nghal bawk a ni.
-- Advertisement --
Billboard Global 200 Top 10:
1 APT. – ROSE & Bruno Mars
2 Die With A Smile – Lady Gaga & Bruno Mars
3 Birds Of A Feather – Billie Eilish
4 That’s So True – Gracie Abrams
5 Tu Boda – Oscar Maydon & Fuerza Regida
6 Espresso – Sabrina Carpenter
7 Taste – Sabrina Carpenter
8 Beautiful Things – Benson Boone
9 Lose Control – Teddy Swims
10 Sailor Song – Gigi Perez